Una llinia esprés va comunicar la zona oeste col campus y Cabueñes

EMTUSA va poner en marcha la E71 el 14 de setiembre con namái 12 paraes.

Les llinies esprés d'autobús municipal aporten a Xixón col oxetivu d'aforrar tiempos y ganar viaxeros. La primera va xunir la zona oeste de Xixón, con cabecera en Gran Capitán, col campus universitariu y l'Hospital de Cabueñes.

Va llevar el nome d'E71 y va salir del INEM pa parar nel Prau del Cubanu, Casa del Mar, Aragón, Ríu Nalón, Mar Cantábricu, Corín Tellado, EPI Xixón, Escuela de Marina, Aulariu, Xardín Botánicu, Parque Teunolóxicu y l'Hospital de Cabueñes. Nel otru sentíu, va dexar y recoyer xente, llueu de Ríu Nalón, n'Andalucía, Atenéu, Fátima y Alonso Quintanilla.

Les frecuencies van ser cada 30 minutos y va funcionar en díes llaborables de 7 a 22.15 hores (7 dende Gran Capitán y 7.45 dende Cabueñes). Según apunta la Empresa Municipal de Tresportes Urbanos, SA (EMTUSA), va suponer pal usuariu una mengua del 20 por cientu de tiempu de trayeutu.

Na semeya, un momentu de la presentación de la llinia nueva nel pabellón del Conceyu na Feria Internacional de Muestres d'Asturies (FIDMA).