Iconografía femenina na industria conservera de pescáu n'Asturies (1893-1983)

Nel segundu cuartu del sieglu XIX Asturies apaez como la pionera estatal na fabricación de conserves alimenticies, una industria tresformadora que nel país algama un desenvolvimientu especial cuando una coxuntura económica favoratible abre camín a la modernización de la pesca y propicia la tresformación de las antigües bodegues en fábriques modernes de conserves enlataes. A partir d'entós, n'abondos pueblos pesqueros asturianos entamen a ponese fábriques modernes de conserva enllatada que se van nutrir sobre manera de personal femenín pa facer les xeres principales. Nesti periodu les fábriques de conserves del sector alimentariu desendolquen un repertoriu ampliu de imáxenes venceyaes a la publicidá y impulsen les artes gráfiques pa satisfacer la demanda de litografiáu en papel y la fabricación d'envases metálicos.

La esposición calca na evolución y tresformación de los modelos iconográficos femeninos como recursu publicitariu y trata'l papel que'l trabayu de la muyer tuvo pa la industria conservera asturiana.

Hora: Martes a vienres, de 9.30 a 14 y de 17 a 19.30h / Sábadu y domingu, de 10 a 14 y 17 a 19.30h

Preciu: de baldre