Inauguración de la IX Muestra de Cine Social y Derechos Humanos de Asturias (MUSOC)

El Teatru de la Llaboral acueye la inauguración de la 'IX Muestra de Cine Social y Derechos Humanos de Asturias 'MUSOC con Chema Castiello en la memoria'', onde se va facer entrega del 'Premio Chema Castiello' a la película 'La última primavera' d'Isabel Lamberti, un gallardón creáu n'homenaxe a la figura d'esti comprometíu activista, parte fundamental de delles entidaes sociales como l'Atenéu Obreru de Xixón, el Grupo Eleuterio Quintanilla, Radio Kras y Acción en Red, onde desendolcó una intensa actividá educativa y cultural en temes como la interculturalidá, les migraciones, el refuxu y la memoria democrática. Amás, va proyeutase'l filme ganador y los asistentes a esti eventu van poder disfrutar de la música d'Alfredo González, Aníbal Menchaca, Pauline en la Playa y El Coru Internacional Antifascista Al Altu La Lleva.
Hora: 18.30h