El Muséu Casa Natal de Xovellanos cumple mediu sieglu de vida

La institución presenta'l programa '50 años de Muséu', con delles esposiciones, conferencies y proyeutos dende'l mes de mayu.

El 6 d'agostu del 1971 echaba a andar el Muséu Casa Natal de Xovellanos cola finalidá de promover l'estudiu y la difusión de la vida de Gaspar Melchor de Xovellanos, per un llau, y, per otru, del patrimoniu municipal. Dente entós miles de visitantes pudieron percorrer la instancia, acudir a les esposiciones temporales y eventos que s'entamen, y conocer la coleición de pintures de les principales escueles europees de los sieglos XVII y XVIII y una amplia representación d'arte asturianu dende'l sieglu XIX a anguaño.

Pa celebrar esti aniversariu ta previsto un ampliu programa d'actividaes qu'afonda na "importancia de la coleición y de los trabayos de conservación, estudiu y mediación desendolcaos por esta institución". La primera va ser la esposición 'Señales identificables. El archivo navascués', del 18 de mayu al 3 d'ochobre, que va tar acompañada de talleres infantiles, visites comentaes y una conferencia de Mercedes Menéndez González.

Na semeya, l'alcaldesa Ana González Rodríguez intervién na presentación de los actos pol aniversariu en compañía de Lucía Peláez, direutora del muséu.

Pue consultar el programa de '50 años de Muséu' nel documentu axuntu baxo esta información.