Perdiendo el juicio

Teatro del Cuervo y Tdiferencia xúnense pa para presentar esta comedia inspirada na poética del cabaré de Bertolt Brecht, con momentos musicales difíciles d'escaecer. Rir pa sanar.
'Perdiendo el juicio' ye una traxicomedia musical de creación orixinal y contemporánea, na que se reflexona sobre les condenes y los xuicios celebraos por abusu sexual y violaciones. La perspeutiva de xéneru nes lleis, la necesidá de formación, xueces machistes, interrogatorios enllenos de prexuiciu, revictimización de la víctima, xuicios sociales paralelos, patriarcáu, hipocresía…
Busca la reflexón, ensin caer nos eslóganes y frases feches que convierta la obra nun montaxe oportunista en llugar d'un montaxe comprometíu. 'Perdiendo el juicio' ye l'apuesta teatral última de Tdiferencia na so particular batalla feminista, utilizando como ferramientes l'humor, la música, l'amor, el cabaré y los alcuentros col públicu.
Direición artística y autoría: Maite Redín.
Intérpretes: Adriana Olmedo, Ainhoa Ruiz, Nerea Bonito, Sergio Gayol y Alejandro Hidalgo.
Hora: 19.30h