Tito Andrónico

Tres 10 años de guerra, Tito Andrónico regresa a Roma, victoriosu y cola reina goda Tamora y los sos tres fíos como prisioneros. Depués de sacrificar, según ordenen los ritos sagraos, al mayor d'ellos, Tito sólo aspira a buscar tranquilidá y reposu, yá que baxo'l so xestu duru de xeneral trunfante, vive tamién un home con col alma fatigada pola dureza de la llucha y la muerte temprana de la mayoría de los sos fíos. Sólo cinco queden al so llau y, ente toos ellos, nun pue disimular la so devoción por Lavinia, na que ve la esperanza d'un futuru que quiciabes pueda escapar a la violencia que lu acompañó a lo llargo de la so vida.

Poco durará, sicasí, la calma: ensiguida veráse obligáu a intervenir nes intrigues polítiques ente Basiano y Saturnino, dos hermanos enfrentaos pol so derechu a la corona del Imperiu. El votu de Tito a favor de Saturnino provocará una cadena fatal de fechos que converxerán, siempre, nun instintu tan universal como peligrosu: la venganza.

• Autor: William Shakespeare.
• Adautación: Nando López.
• Direición: Antonio Castro Guijosa.
• Repartu: José Vicente Moirón, Alberto Barahona, Carmen Mayordomo, Alberto Lucero, José F. Ramos, Quino Díez, Lucía Fuengallego, Gabriel Moreno, Sergio Adillo e Iván Ugalde.
• Producción: Teatro del Noctámbulo y Festival Internacional de Teatro de Mérida.

Hora: 19h
Preciu: 20 € butaca y entesuelu, y 10 € en xeneral.