‘Por una movilidá ensin emisiones’, lema de la XX Selmana Europea de la Movilidá

Xixón súmase un añu más a la Selmana Europea de la Movilidá. Del 16 al 22 de setiembre la ciudá va poner el focu nes consecuencies negatives del usu irracional de los vehículos a motor en zones urbanes, emponderando la utilización del tresporte públicu y la bicicleta, nesta ocasión col lema ‘Por una movilidá ensin emisiones’.

El tema escoyíu nesta ventena edición de la iniciativa naz nel oxetivu ambiciosu d’algamar un continente climáticamente neutru pal año 2050, como señaló Ursula von der Leyen, presidenta de la Comisión Europea na presentación del Pautu Verde Européu. Nesos siete díes van entamase en Xixón baxo esa idea meses redondes, marches a pie, bicicletaes y actividaes deportives, ente otres actividaes.

La más destacada va ser la xornada ‘Zonas de Bajas Emisiones’ qu’Ecoloxistes n’Aición, en collaboración col Conceyu, entama’l sábadu 19. Dende les 10 hores, y a lo llargo de tol día, van tener llugar na Escuela de Comerciu conferencies y meses redondes.

El 22 de septiembre, mentes, celébrase l’eventu ‘¡La ciudá, ensin coche!, xerme d’esta iniciativa europea, na que se corten al tráficu delles de les cais más importantes de la villa. Pa conocer el programa de la Selmana Europea de la Movilidá ha calcar equí.

Na semeya, Aurelio Martín, conceyal de Mediu Ambiente y Movilidá, na presentación del programa d'esti añu.