Cañete sustitúi a Arias al frente de la FAV

La candidatura de consensu del presidente de l'Asociación de Vecinos Evaristo San Miguel, d'El Polígono, foi la única presentada.

Manuel Cañete, nacíu en Mieres nel 1960, va tar al frente de la Federación de Asociaciones de Vecinos de Gijón/Xixón (FAV) pa los dos años próximos. Sustitúi a Adrián Arias, qu'abandona'l cargu pa trabayar como asesor del andaluz Manuel Pineda (Xuníes Podemos Cambiar Europa) nel Parllamentu Européu.

D'esta forma, el presidente vecinal d'El Polígono torna dos años depués a la direutiva de la FAV, agora como presidente. La so candidatura, única presentada, foi de consensu, algamando l'aval de 22 de les 28 asociaciones que conformen la federación.