Chris el suizo

Cuando la Guerra de Yugoslavia estalló, mozos de toda Europa acudieron a lluchar, ente ellos un periodista suizu de nome Christian Wütenberg.


A entamos de xineru del 1992 atoparon el so cuerpo ensin vida cerca de Vukovar (Croacia) uniformáu como un mercenariu. Según l'autopsia que-y prauticaron, morrió estranguláu. De fechu, unes selmanes enantes Chris convirtiérase nun miembru del PIV (Primer Pelotón de Voluntarios Internacionales), un grupu paramilitar que fundó Eduardo Rózsa-Flores 'Chico' que s'encargaba de 'llimpiar' la población serbia nes árees fronterices.


Venti años más tarde, la cineasta Anja Kofmel investiga el porqué de la so muerte y qué llevó al so primu a la guerra. Gracies a un diariu personal que Chris dexó escritu, Anja empieza a imaxinar cómo foron los sos meses de vida últinis. Lo qu'empieza como una curiosidá pa entender les motivaciones d'un mozu suizu de 27 años que marchó a cubrir una guerra conviértse nuna investigación concisa y personal. Para facela axunta a testigos como, ente otros, miembros de la so familia, los sos ex compañeros periodistes, mercenarios del PIV y, inclusive, al antiguu terrorista Carlos 'El Chacal'.


La visión que poco a poco va creándose nel imaxinariu d'Anja Kofmel sobre los últimos meses de vida de Chris trensfórmase nun mundu animáu mui personal que nos recrea los díes caberos d'un periodista mozu que se perdió na escuridá d'una guerra brutal como si se tratase d'una muerte anunciada.


Direutora: Anja Kofmel. Añu: 2018. Duración: 90 minutos. Idioma: versión orixinal m'inglés y alemán subtitulada en castellanu.
Hora: 19:30h