La Oficina de Normalización Llingüística asoleya una tabla periódica n’asturianu

Nel 1869 el químicu rusu Dmitri Ivánovich Mendeléyev ellaboró la primer tabla periódica, qu’organizaba los elementos conocíos na época. Con motivu del 150 aniversariu d’esti avance, la Oficina de Normalización Llingüística asoleya ‘Lo elemental de los elementos’

Trátase d’una tabla periódica de los elementos n’asturianu con ilustraciones qu’amuesen en qué oxetos se pueden atopar anguaño, amás d’información sobre personalidaes bien importantes pa la química universal. A la tabla súmase una baraxa de los elementos diseñada pa xugar en grupu, usando les sos carauterístiques principales y los datos históricos y etimolóxicos de caún.

D’esta forma’l SNL xixonés pretende, amás de difundir l’idioma, conmemorar esti finxu históricu y esparder y divulgar la química, los elementos y les sos peculiaridaes. La tabla periódica ordena tolos elementos conocíos nuna tabla acordies cola so composición y propiedaes.