El censu eleutoral pa les Estatales del 10-P pue consultase nes oficines d’Atención a la Ciudadanía

Hasta’l llunes va tar disponible nes oficines d’Atención a la Ciudadanía el censu eleutoral pa la so consulta. El domingu 10 de payares van celebrase eleiciones al Congresu y el Senáu tres la falta d’alcuerdu pa investir un presidente del Gobiernu estatal.

El pieslle del censu eleutoral pal presente procesu inclúi los movimientos censales que tuvieron llugar hasta finales de xunu. Les oficines d’Atención a la Ciudadanía asítiense nos diferentes centros municipales.

D’igual forma, mientres el periodu eleutoral, el Instituto Nacional de Estadística (INE) ufre a la ciudadanía un servicio de consulta na so páxina web. Pa ello ye necesario contar con un certificáu electrónicu.

Na semeya, un colexu eleutoral xixonés nes eleiciones últimes, les Europees, Nacionales y llocales.