Tolos grupos, menos Podemos-EQUO, alcuerden xubise'l sueldu

La coalición refuga tamién el repartu de la representación municipal nes comisiones.

La primer decisión del equipu de gobiernu del PSOE foi xubir el sueldu de l'alcaldesa y los conceyales, conxelaos mientres el mandatu de Foro, decisión que sólo tuvo la oposición de Podemos-EQUO. Ciudadanos, el propiu Foro, PP, VOX y Xixón por la Izquierda nun pusieron torgues a la propuesta socialista.

“Nós defendemos la llende salarial, que roblamos como compromisu éticu. Paeznos clave que'l trabayu municipal pueda facese en condiciones salariales dignes, pero eso nun pasa por xubir los sueldos de los conceyales como primer medida”, apunta Yolanda González Huergo, vocera de Podemos-EQUO, dalgo que considera “realmente difícil d'esplicar énte la ciudadanía”. Nesi sen afirma que “supón un mui mal comienzu de mandatu”.

Mientres dende'l PSOE xustifiquen esta midida como una actualización y non una xubida de sueldu que sirve pa igualalos a los de los trabayadores municipales de máximu cargu direutivu. L'alcaldesa Ana González Rodríguez pasa a ganar unos 2.500 euros más que Carmen Moriyón, 67.529 euros brutos, mentes que l'aumentu pa los ediles será de 6.000 euros, pa cobrar 58.609 euros.

Merma democrática

González Huergo tampoco aprueba'l reparto de la representación municipal nes comisiones informativas y otros organismos del Conceyu al considerar que “dificulta la participación política, lo que ye una merma democrática del derechu de representación de las personas que nos votaron”. Nesi sen, solicita un “repartu proporcional y equilibráu d'esa representación", que considera "fundamental para l'exerciciu afayadizu de l'aciión política y que nesti casu nun se garantiza”.

Na imaxe, González Huergo mientres el Plenu de Constitución del sábadu.