El Plan de Víes "yá nun tien marcha atrás"

Carmen Moriyón robló'l vienres el conveniu de Plan de Víes, final d'un llargu procesu aniciáu nel 2002 que va terminar cola urbanización de los terrenos lliberaos, la construcción de la estación intermodal cercana al Muséu del Ferrocarril y la puesta en marcha del metrotrén. "Yá nun hai marcha atrás", celebró l'alcaldesa.

La gran demanda de la ciudá nes dos décades últimes vese por fin resuelta, anque'l camín nun foi cenciellu. La presión vecinal y la xunión de los partíos políticos xixoneses consiguieron que'l Gobiernu de Pedro Sánchez cumpliera la promesa de Madrid de dar solución al Plan de Víes nesta llexislatura, con un documentu de 45 páxines que recueye les inversiones qu'ascienden a 814,02 millones de euros (IVA incluyíu), de les que'l Conceyu y el Gobiernu d'Asturies van poner 90 millones caún.

El xueves Fernando Lastra, conseyeru d'Infraestructures, Ordenación del Territoriu y Medio Ambiente, ponía la so robla'l conveniu, mentes que Moriyón facíalo'l vienres, destacando que, cola so aprobación, yá nun había posibilidá de que se frenareu un proyeutu qu'ha de supervisar la corporación próxima. Tres la firma d'Adif Alta Velocidad, Adif y Renfe Operadora esta selmana, prevista pa la pasada nun primer momentu, namái quedará pendiente la so espublización nel BOE pa poner en marchar el procesu pal comienzu de les obres l'añu qu'entra.

Semeya propiedá de Foro Asturias Ciudadano.