El SUPER AMARA Bera Bera nun dio opción al Liberbank nesta ocasión

Les de La Calzada, defensores del títulu, cayeron en semifinales na Copa.

El Liberbank Xixón nun pudo repetir la xesta del añu pasáu en Málaga y sufrió la revancha del SUPER AMARA Bera Bera. Les donostiarres, que doblaron la rodiya na final copera del 2018 frente a Balonmano La Calzada (20-17), superaron a les xixoneses por 23-16 y, yá na final, al Aula Alimentos de Valladolid por 30-17 pa llevar en Barakaldo'l so sestu títulu na competición.

Nun concedió nada'l Bera Bera que, sicasí, atopó delantre una fuerte defensa. Asina, llegóse al minutu 20 con ventaya pa les vasques por 5-1, momentu nel que s'abriría'l partíu hasta reflexar el marcador nel descansu un 11-8.

Tres la reanudación les de Donostia ampliría la so renta hasta los 7 goles a partir del minutu 45, diferencia que caltendrería nel tramu final hasta'l definitivu 23-16. Pa esti partíu, el Liberbank contó cola importante baxa de Soraia, lesionada nun todiyu nel partíu de cuartos con Rincón Fertilidad Málaga (23-22), que notó a lo llargo de choque de semifinales.

Les cadetes, campeones

La nota positiva de la fase final de la Copa foi'l trunfu del equipu cadete del Liberbank na III Minicopa femenina. Les xixoneses superaron na final al Rincón Dental Málaga Norte por 25-17.

Semeya propiedá del Balonmano La Calzada.