El conceyu por fin va disponer del PXO nuevu

Podría llevase al Plenu de xineru o febreru tres el preste dau pol Gobiernu.

La Comisión d'Urbanismu y Ordenación del Territoriu del Principáu d'Asturies (CUOTA) informó'l llunes favoratiblemente sobre'l documentu de revisión del Plan Xeneral d'Ordenación (PXO) de Xixón y el cambiu del catálogu urbanísticu del conceyu. D'esta forma desblóquiase'l parálisis urbanísticu d'una década nel conceyu tres les anulaciones xudiciales de los procesos anteriores de revisión remataos nel 2006 y 2011.

L'actual documentu en vigor yera'l del 1999 y el que vien a sustituyilu agora naz con un consensu políticu y social ampliu. Nel Plenu de xineru o, a más tardar nel de febreru, l'equipu de gobiernu municipal va llevar la so aprobación al orde del día.