El truenu qu'espertó a mediu Xixón

Al rodiu de les 3.30 hores de la madrugada del miércoles munchos xixoneses dieron un blincu nel so xergón. La razón foi un gran truenu mientres una tormenta llétrica que dexó más d'un millar de rayos sobre la ciudá y que foi lo más comentao estos díes na cai.

Munches persones van recordar la nueche del martes al miércoles en Xixón. Nun ye nada nuevo qu'una tormenta ximielgue la ciudá, pero'l truenu que se pudo sentir esa madrugada metió'l sustu nel cuerpu a más d'ún.

Nun foi l'únicu, pero'l 'truenón', como munchos xixoneses yá lu llamen, espertó a una gran cantidá de persones per tola ciudá. Tal foi la so repercusión, qu'hasta medios de comunicación de calter estatal fixéronse ecu d'una tormenta llétrica que tardará tiempu en repetise.