Xixón n'ARATUR 2018 so la marca 'Ciudaes d'Asturies'

Xixón va afayase nel prósimu Salón Aragonés de Turismu, Aratur 2018, que se celebra la fin de selmana viniente, del 11 al 13 de mayu, nel Palaciu de Congresos de Zaragoza. Esta aición deseldólcase con motivu del alcuerdu de promoción en comuña so la marca ‘Ciudaes d’Asturies’ y la imaxe de campaña del Principáu.

Los visitantes de la feria aragonesa van conocer la ufierta turística más urbana d’Asturies, que combina ente les sos atraiciones hestoria, cultura, gastronomía, comerciu y una montonera d’esperiencies.

Xixón Turismu va dar información sobro la ufierta d’hoteles na ciudá, la ufierta d’escapaes que combinen agospiu y actividaes de turismu activu y gastronomía y el calendariu festivu y cultural de tol añu.

Enantes de la feria, les ciudaes d’Asturies van entamar una rueda de prensa nel Hotel Zenit Don Yo, el xueves, 10 de mayu, a les 11.00 hores, onde van remanecer tolos detalles del estand, nel que va facese un percorríu per Uviéu, Xixón y Avilés. Tamién va entamase una presentación p’axencies de viaxe y turoperadores.