El Molinón amesta l’apellíu Enrique Castro 'Quini'

El Conceyu de Xixón aprobó por unanimidá esti miércoles modificar el so nome, decisión precipitada pa dellos sectores de l’afición.

Tolos grupos municipales decidieron esta mañana, hores depués de la muerte d’Enrique Castro ‘Quini’, modificar el nome d’El Molinón pa qu’incorpore’l de la lleenda del Sporting a mou d’apellíu. D’esta forma, el campu xixonés asitiáu a la vera del Piles pasaría a llamase Estadiu Municipal El Molinón-Enrique Castro 'Quini'.

Esta decisión nun ye compartida, sicasí, por toles sectores de l’afición. Les razones argumentaes van dende’l fechu de qu’hasta’l propiu Quini nun querría esti cambiu nun prau conocíu asina dende l’añu 1908, cuando ta probada la disputa d’un partíu de fúbol nél, hasta por ser tomada ‘en caliente’ por parte de los grupos municipales.

Nesi sen, considérase El Molinón un elementu identitariu reconocíu dientru y fuera de Xixón, como pue ser la playa de San Llorienzu o la Escalerona, con una trescendencia que va más allá de les persones.

Semeya:  Funeral d'Enrique Castro 'Quini' n'El Molinón