Concursu de rellatos infantiles 'El barriu y la casa los mios güelos’

Castrillón, Llangréu, Llaviana, Mieres, Uviéu y Xixón tán tres esta iniciativa destinada a escolinos y escolinos de Primaria d’estos conceyos.

‘El barriu y la casa los mios güelos’ ye’l títulu que lleva la primer edición del concursu de rellatos infantiles sobre testimonios rellacionaos col hábitat obreru que s’entama con motivu de les II Xornaes de Patrimoniu Industrial.  Los testos han de ser n’asturianu o castellanu y tien d'esplicar cómo yera la vida nel so barriu na época de los güelos y bisgüelos; cómo vivíen, trabayaben o s'entreteníen.

La estensión máxima de los rellatos ha de ser d’un foliu, pudiendo incluyir tanto semeyes como dibuxos, y tar escritos a mano, ordenador o cualquier otra téunica. A la hora de presentalos, éstos tienen qu’entregase en formatu dixital (.pdf o .jgp) nel corréu electrónicu informacion @jornadaspatrimonioindustrial.es enantes del 21 del mes viniente. Los trabayos pueden presentase hasta’l 21 de xunetu y los premios van consistir en llibros.

El fallu del xuráu va tener llugar el 6 de setiembre, a les 19 hores, y va espublizase na páxina web de les xornaes. Los ganadores van recibir llibros infantiles nun actu públicu previstu pal 13 de setiembre, a les 18.30 hores, na Casa Cultura Escueles Dorado de Sama.