Selmana de les Lletres en Xixón

Del 27 d’abril al 9 de mayu van desendolcase les actividaes de la XXXVIII Selmana de les Lletres Asturianes, qu’esti añu lleva’l lema ‘Lletres, femenín plural’.

Les autores en llingua asturiana y gallego-asturianu protagonicen esta edición de la Selmana de les Lletres Asturianes que tien programes dellos actos en Xixón.

El martes 2 de mayu tan programes visites guiaes pel barriu de Cimavilla. Esta actividá sedra pela mañana pa escolares y pela tarde, de 19:30 a 21 hores, pal públicu en xeneral. El Teatru de La Llaboral sedrá l'escenariu'l xueves 4 a les 18 hores de la gala d'entrega de premios del IV Certame de Teatru Escolar en Llingua Asturiana/Gallego-asturianu' cola representación d'obres premiaes y la entrega de premios en toles categories.

Pal llunes 8 va representase l'espectáculu 'Histories Detectivesques' de Guayominí Producciones p'alumnáu d'Educación Primaria nel Teatru de La Llaboral a les 11 hores. Y el martes 9 de mayu tendremos a les 11 hores, tamién nel Teatru de la Llaboral, l'espectáculu  'Disculpe, caballeru' de Zig Zag Danza, p'alumnáu d'Educación Secundaria.

Pa celebrar el Día del Llibru Asturianu'l vienres 5 hai un 10% de descuentu na compra de llibros o discos n'asturianu o gallego-asturianu, y regalu del llibru Escritores asturianes. Antoloxía de testos n'asturianu y gallego-asturianu nes tiendes participantes (hasta escosar existencies).  

Puede consultase equí'l programa completu d'actos d'esta Selmana de les Lletres.