La Colegiata

Amestada al palaciu Revillaxixéu. Güei, local p'actuaciones musicales. Accesu públicu pel estremu al palaciu. Ornatu a base de columnes, frontón partíu, forniques... barrocos. Cruz de Calatrava afitada por ánxeles. Estructurada en torre de trés plantes, Capiya, con categoría de colexata, sofitada na torre antigua del coetaneu palaciu de Revillaxixéu o del marqués de San Esteban del Mar. Obra concluyida en 1723, pol canónigu Luis Martínez de Jove. Foi Pedro Ruiz de Somonte quien s'ocupó de concluyila, siguiendo posiblemente criterios del maestru avilesín Francisco Menéndez Camina. Ta constituyida por una torre de trés plantes y un cuerpu llateral saliente irregular. Los componentes decorativos (almohadillados nes esquines de la torre y nos lladrales del cuerpu llateral, frontón partíu, columnes, forniques...) son de filiación barroca. La portada llateral, barroca, presenta dos columnes xóniques, asitiaes a los lladrales del arcu d'ingresu ¿con clave lluciendo la Cruz de Calatrava ente ánxeles tenantes¿, que soporten un frontón partíu; percima d'él, apaez una imposta denticular y de siguío hai un óculo, del qu'escolga l'escudu familiar; darréu debaxo d'ésti esiste una fornica con venera. Dos ventanes de pequeñu tamañu y xambes estriaes flanqueen el frontón.