Taller lliterariu n'asturianu con Miguel Rodríguez Monteavaro

Destináu a moces y mozos mayores de 16 años y adultos, esti taller desenvuélvese a partir d’exercicios prácticos d′escritura creativa. La idea de la que se parte ye la de que cualquier persona pue facer lliteratura dende les vivencies personales, garrando como modelu dellos testos que va apurrir el coordinador del taller, con esperiencia dende va más de 10 años nesti tipu d′actividaes y con formación didáctica, llingüística y lliteraria reconocida.

L′oxetivu principal ye perder el mieu a la escritura dende un puntu de vista llúdicu y al traviés d′actividaes cencielles que van aumentando la desixencia según el nivel y les necesidaes del públicu asistente. Nesti sentíu la lliteratura ufierta ferramientes que lliberen la imaxinación y sirven pa estructurar les idees previes que cada persona puea tener.
Hora: 12h