Pequeños de cine

Esiste un cine destináu a les audiencies más moces y al públicu familiar que tien como oxetivu, amás de proporcionar entretenimientu y contaxar entusiasmu, ufrir a esti públicu conteníos diversos, alternativos y innovadores que-yos permitan crecer como espectadores críticos. Un tipu de cine que desgraciadamente atopa pocu acomodu nos ámbitos comerciales del audiovisual y que comparte con Llaboral Cinemateca una vocación pola formación d'espectadores nuevos con una mirada más abierta y plural.

Nesta sesión ideada de manera especial pal públicu infantil y xuvenil axúntense obres orixinales y estimulantes qu'arramen idees y encantu, munches d'elles con una trayeutoria esitosa en festivales estatales y internacionales. El so llargor ta ente los 4 y los 10 minutos.

'Phosphorus', d'Eduardo Adsuara, Jennifer Belobi y Keilidh Bradley (Francia, 2021).

'L'Enfant et l'Oie', de Jade Chastan, Alice Failla, Jérôme Ginesta, Justine Hermetz, Sophie Lafleur y Vincent Lenne (Francia, 2021).

'La Sixtina', de Juan Camilo Fonnegra (Colombia, 2022).

'Aurora, a rúa que quería ser rio', de Radhi Meron (Brasil, 2021).

'Franceska', d'Alberto Cano (España, 2022).

'Bottle cap', de Marco Spier y Marie Hyon (Estaos Xuníos, 2022).
Hora: 17.30h