Pequeños de cine

Esiste un cine destináu a les audiencies más moces y al públicu familiar que tien como oxetivu, amás de proporcionar entretenimientu y contaxar entusiasmu, ufrir a esti públicu conteníos diversos, alternativos y innovadores que-yos permitan crecer como espectadores críticos. Un tipu de cine que desgraciadamente atopa pocu acomodu nos ámbitos comerciales del audiovisual y que comparte con Llaboral Cinemateca una vocación pola formación d'espectadores nuevos con una mirada más abierta y plural.

Nesta sesión ideada de manera especial pal públicu infantil y xuvenil axúntense obres orixinales y estimulantes qu'arramen idees y encantu, munches d'elles con una trayeutoria esitosa en festivales estatales y internacionales. El so llargor ta ente los 2 y los 15 minutos.

'La primavera siempre vuelve', d'Alicia Núñez Puerto (España, 2021).

'Vuela', de Carlos Gómez-Mira Sagrado (España, 2020).

'Flo', de Nora Marie Back (Alemaña, 2017).

'Il s´est passé quelque chose', d'Anne Larricq (Francia, 2018).

'Sur mesure', de Léa Cousty, Chloé Astier, Raphael Guez, Mélanie Fourgeaud, Hugo Bourriez y Victoire Le Dourner (Francia, 2018).

'Vals & Rumba', de Laura Delgado y Eduardo Rodríguez (España, 2020).

'Silny Niezalezny Kosmos', de Damian Krakowiak (Polonia, 2018).
Hora: 17.30h