'Lámpara oscura' (ESTRENA)
28 Agostu, 2021
El 31 d'agostu del 2020 cumplíense 25 años d'una de les mayores traxedies na historia de la minería. Catorce mineros d'ente 29 y 49 años perdieron la vida esi día del 1995 nel Pozu Nicolasa.
La crisis sanitaria fixo que'l recuerdu nun pudiese dir acompañáu d'actos nel 2020. Agora, RTPA y el Festival Internacional de Cine de Xixón, cola collaboración de Llaboral Cinemateca y Asturies Paraísu Natural Film Commission, quieren sumase al homenaxe que nun pudo ser l'añu pasáu y rememorar a tolos finaos na mina.
Con esi oxetivu prográmase la estrena de la película documental 'Lámpara oscura' de José Antonio Quirós como un actu de recuerdu y conmemoración qu'inclúi la proyeición del filme el sábadu 28 d'agostu nel Teatru de la Llaboral y la so emisión televisiva'l mesmu día en TPA.
Hora: 20h
Sitiu:
La Llaboral
Localidá:
Xixón
Tipu d'eventu:
Proyecciones
