Emma

El taller escénicu final de cuartu de la Escuela Superior d'Arte Dramáticu representa esti testu teatral del historiador estauxunidense Howard Zinn, estrenáu en New York nel añu 1976. La obra, con títulu completu 'Emma: una obra de teatru en dos actos sobre Emma Goldman, anarquista estauxunidense', narra los socesos de la vida de la militante anarquista d'orixe lituanu Emma Goldman, dende la so llegada a la ciudá de New York, onde entra en contautu colos círculos radicales políticos que la llevarán a ser una figura pública, hasta l'añu 1917, cuando ye deportada d'Estaos Xuníos pol cargu de sedición, al llamar a la deserción de los soldaos tres la entrada del país na Primer Guerra Mundial.

N'España llevóse a les tables namái una vez, nel añu 2009, y representala pa esti Taller Escénicu Final significa la so segunda vegada nel Estáu y la primera n'Asturies. La direutora ye la profesora Arantxa Atutxa, Xana del Mar actúa como ayudante de direición y el repartu ta compuestu por Virginia Revilla Lomas, Lucía Castañeda, Claudia Estrada Nora, Yaiza Cabo, Mario Valdés, Pedro Fernández y Cecilia Zapico.
Hora: 20h