BSO de 'Das Cabinet des Dr. Caligari' con Toundra

La película 'El Gabinete del doctor Caligari (Das Cabinet des Dr. Caligari)', esponente máximu del cine espresionista alemán de Robert Wiene, cumple 100 años esti 2020 y va ser proyeutada nel Teatru de la Llaboral col acompañamientu de la banda de rock instrumental Toundra, que va tocar en direuto una banda sonora orixinal compuesta a costafecha pa la película.

Una ocasión especial pa disfrutar d'una banda sonora que supón pa Toundra un capítulu aparte na so discografía habitual y d'un clásicu del cine xuníos nun mesmu espectáculu. Una oportunidad única y irrepetible que nun pues perder.

Ésta ye la cuarta fecha na que se programa esti espectáculu, al tener qu'aplazase pola pandemia de COVID-19 les previstes pal 27 de marzu y el 6 de payares del 2020 y el 6 de marzu.

Hora: 21h

Preciu: 16 € / Públicu de 0 a 3 años que nun ocupe butaca, 1 €