Audioguía para supermercados en tiempos de pandemia

El supermercáu tresformáu n'espaciu teatral: esto ye lo que propón esta audioguía pensada por Laia Torrents y Roger Aixut, CaboSanRoque, ún de los duos artísticos más estimulantes y inquietos de la escena estatal. Ye una obra sonora pa percorrer el supermercáu en tiempu de pandemia.

Dir al supermercáu a mercar lleche, carne, pescáu, xabón, vinu o cerveza ye diferente dende'l 13 de marzu del 2020. Agora tol mundu ye sospechosu de llevar el virus o de dalguna cosa peor, y la sospecha ye una gran constructora de ficciones. Yá nun podemos venos les cares. ¿Cómo afeutaría esta situación a un rellatu clásicu de misteriu, a los sos detalles y a la so estructura?

L'espectador, nel supermercáu, mientres escucha nel so móvil con auriculares, tendrá que s'enfrentar a la coincidencia y contradicción de lo que ve y lo que oye. La obra tendrá sentíu mientres tengamos que dir al supermercáu con mázcara, y si too va a peor, pue que'l supermercáu sía de los pocos sitios onde nos dexen vivir un poco de teatru.

'Audioguía para supermercados en tiempos de pandemia' puede disfrutase en cualquier supermercáu que tenga carnicería y pescadería. Les instrucciones son poner el volume al máximu y activar l'audioguía nel momentu d'entrar xunto col carru de la compra, preferiblemente nos momentos de mayor presencia de persones y nun establecimientu nel que se conoza bien ónde tán los productos.

Hora: la d'apertura de los comercios.

Preciu: 3 euros