Alejandro Ares

Entá bien entráu'l sieglu XXI siguimos asociando l'acordión una serie de tópicos que, magar tán xustificaos históricamente, tendríemos qu'entamar a revisar. La xuventú del acordión, que data del XIX, torgó-y un repertoriu propiu estensu que tienen la mayoría d'instrumentos musicales. Ye asina como, apoyáu nes trescripciones, evoluciona organolóxicamente hasta convertise nun interesante instrumentu integráu de fechu na música académica actual.

El programa qu'Alejandro Ares ufre nesti conciertu, 'El acordeón: pasado y presente. De la transcripción a la obra original', plantega un percorríu reflexivu sobre l'intensu viaxe del acordión dende aquelles tresscripciones hasta la complexa música de los nuesos díes.

Conciertu de la temporada de la Sociedad Filarmónica de Gijón.
Hora: 20h