Xixón escoyida pa la salida d'un retu solidariu pola salú mental

Sonia Barrar asume un retu deportivu en solitario: cruciar la península en bici de Xixón a Xibraltar namái en cinco díes (1042 km.). Van recaudase fondos pal programa de Salú Mental de Solidarios.

Una de cada cuatro persones, el 25% de la población, carece d’un trestornu mental na so vida. Per embargu, nun ye davezu un tema de conversación y les persones que viven cola enfermedá mental tienen de lluchar escontra l’estigma y procurar una integración que nun ye siempres cenciella. D’esta miente, l’asociación Think, Hike & Bike y la so direutora Sonia Barrar decidieron dedicar esti retu deportivu a concienciar sobro esti problema y a collaborar con esta causa.

Sonia Barrar va pedalear en solitario dende Xixón a Xibraltar en cinco díes. La so salida ta prevista’l domingu 13 de mayu y la llegada sedrá’l 17. España de punta a punta por una causa bona. 200 kilómetros diarios de media, de trece a quince hores sola na so bicicleta rodando per carretera. La ruta pasa per Benavente, Plasencia, Mérida y Sevilla y va atopar les xubides de puertos como Payares, Béjar y el Parque Natural de Los Alcornocales.

Pa recaudar fondos emplégase’l portal web www.migranodearena.org, onde se puen facer los aportes pa esti retu a favor de la salú mental hasta’l día 17 de mayu. Ente toles persones que collaboren van sortease unes gafes deportives que Lens-Sport donó pa contribuyir a esta causa. Los avances de ruta van poder siguise nes redes sociales (Facebook e Instagram) y na web gijongibraltar.cecweb.es

Pa Sonia ye un retu personal. “Ñaguo porque seya mui inspirador, ya que soi una muyer cruciando la Península Ibérica en solitario y con finxos benéficos. A la vez de concienciar sobro la salú mental quiero inspirar a otres persones a animase a esixise y valtar barreres na cabeza, quiero demostrar que nun hai llendes”.

Solidarios tien un programa d’actividaes d’espardimientu pa persones diagnosticaes con enfermedá mental onde comparten el so tiempu col voluntariáu nuna rellación ente iguales y recuperen autoestima y capacidaes p’afrontar les decisiones diaries de la so vida.