Una chicolatada solidaria busca recaudar fondos contra'l cáncer infantil

Va celebrase nel CP La Escuelona.

L'Asociación para la Integración de Personas con Discapacidad Psíquica (Agisdem) entama mañana la II 'Chocolatada Solidaria' con motivu del Día Internacional del Cáncer Infantil, que se celebra tolos años el 15 de febreru. Va consistir nel repartu de chicolate y churros por un donativu de 3 euros.

Los asistentes tamién van poder disfrutar d'un serviciu de pintacares nuna actividá que se va desendolcar patiu del Colexu Públicu La Escuelona, n'El Llano. Les perres recaudaes van destinase al Hospital Sant Joan de Déu, en Barcelona, pa financiar les sos investigaciones contra'l cáncer infantil dientro d'una campaña pola que s'entamen chicolataes per tol Estáu, tando convocaes más de 900 nestos momentos.