'Una casa', teatru infantil en llingua asturiana nel Colexu Publicu Xovellanos

Sigue esti martes el festival 'Escenines pa la Reciella' cola representación d'esta obra d'Higiénico Papel.

'Una casa' narra les aventures d’Andrés y la so familia, qu’acaben de movese a una vivienda nueva. Los espectadores, neños y mayores, van vivir l’aventura de percorrer de nueche la casa buscando al güelu del protagonista.

Esta creación llogró'l Premiu OH! de les artes escéniques d'Asturies al Meyor Espectáculu pa la Infancia del 2009. La cita cola so versión en llingua asturiana ye a les 19 hores d'esta tarde nel salón d'actos del Colexu Públicu Xovellanos, con entrada de baldre hasta completar aforu.