Un festival de música rock va trayer artistes internacionales esti branu

Xixón va contar con un festival internacional de música rock esti branu. Ésti podría llevar el nome de Tsunami Xixón y les primeres informaciones apunten a The Offspring como cabeza de cartelu, banda qu'ofrecería'l so segundu conciertu n'Asturies.

Estos díes últimos pueden vese pela ciudá cartelos col lema '¡¡Alerta Tsunami!!. Verano 2017', que se venceya a un festival de rock nuevu que traerá a Xixón artistes internacionales baxo'l nome de Tsunami Xixón a finales de xunetu. Entovía nun se conoz el llugar onde se celebraría, anque yá suenen los primeros nomes.

El cabeza de cartelu seríen los californianos The Offspring, banda que yá tocara n'Asturies nel añu 2005, en concreto n'Uviéu. Autores d'unos de los discos referencia de la década de los 90, el 'Smash' (1994), los estauxunidense lleven 32 años sobre los escenarios y el conciertu xixonés basaríase en cantares clásicos de la formación.

Otros grupos, tamién internacionales, sumaríense al Tsunami Xixón. Ente los nomes que suenen como posibles tán los italianos Talco, banda que nun falta a la so cita añal con Asturies.