Preséntase na 'Semana Negra' el númberu 17 de la revista 'Formientu'

|
Preséntase na 'Semana Negra' el númberu 17 de la revista 'Formientu'

La espublización da espaciu a autores mozos.

La 'Carpa de la Palabra' de la 'Semana Negra' acueye esta tarde, a les 20.45 hores, la primer presentación del númberu 17 revista lliteraria 'Formientu''. Ésta correspuende al 2018 y nella firmen los escritores Javier Cayado, Diego Solís, Irma González-Quevedo, Natalia González Menéndez, Andrés Astur Treceño, Víctor Ruiz Aldana, Miguel Luis Álvarez, Borja Riestra, Naomí Suárez, Samuel Fernández Cuervo, Javier Cubero, Antonio Francés, Olái Leal Vázquez, Alba Carballo, Federico Faccio, María F. Abril, Francisco Priegue y Cristian David López.

Fundada nel 2006, 'Formientu' nació pa dar visibilidá a los y les escritores mozos n’asturianu. Anguaño ta dirixida por Solís y Claudia Elenea Menéndez, que van participar na presentación d'esti númberu de la revista xunto con Inaciu Galán, direutor anterior, en representación de Cuatro Gotes Producciones, que lleva la xestión editorial de la revista y la so páxina web.

 

Contador Estadistiques