Presentación del proyectu poéticu-musical 'Aire, fueu y deséu'

Iniciativa pol Asturianu (IpA) va presentar esti vienres 31, en collaboración col poeta Juan Carlos García Hoyuelos, el proyectu poético-musical 'Aire, fuego y deseo' (n'asturianu 'Aire, fueu y deséu'), tornáu a toles llingües ibériques y al ladinu (sefardí).

Dende Iniciativa pol Asturianu sofiten esti proyectu qu’entienden como un acercamientu ente toles llingües ibériques y que, sobremanera, ye una bona noticia pa la nuesa lingua na fastera más allá del cordal, territoriu que necesita de axuntar fuercies y texer llazos p’algamar una presencia del idioma muncho meyor fuera d’Asturies.

El llibru cunta con bon númberu d’autores asturianos, lleoneses y mirandeses como Berta Piñán, Pablo Texón, José Alfredo Hernández Rodríguez, Roberto González-Quevedo o Amadeu Ferreira. Esta obra lliteraria vien acompañada d’un discu con cantares de músicos de la talla de Tarna, Toli Morilla o Manuela Elena.

Amás d'Iniciativa pol Asturianu collaboren con esta obra instituciones como l’Academia de la Llingua Asturiana, y les asociaciones llioneses y zamoranes Faceira y Furmientu.

La 'Presentación-Recital' va ser el vienres 31 a les 21 hores nel espaciu de La Caja de Músicos (C/ Buen Suceso) en Xixón y va cuntar cola presencia y llectura de tolos autores y collaboradores del llibru na fastera asturiana ente los que s’alcuentren grandes nomes de la nuesa lliteratura. Al términu del actu, va facese una folixa abierta.