Los productos promocionales turísticos van llevar esti branu'l lema ‘Xixón con remangu’

Son munchos los visitantes que tolos años lleven como recuerdu de Xixón ún de los productos promocionales de la villa que se venden nes oficines d’información turística. Si l’añu pasáu’l gran ésitu foron les mázcares col logu del conceyu, esti añu apúestase por una llinia de productos con ‘Xixón con remangu’ como lema.

Camisetes, bodies pa críos, bolses de tela, taces, sudaderes y gorres van tar disponibles nos espacios d’Infogijón asitiaos na Casa Paquet y n’El Náutico. Éstos van contar con diseños con personaxes representativos del caráuter xixonés, como les sardineres, les cigarreres, bañistes en San Llorienzo, surferos o un mineru, y ilustraciones de recursos como la Llaboral, el Muro, la estatuta de Pelayo, Tabacalera, el Teatru Xovellanos o’l castillete de Mina La Camocha.

Xunto con cada merca, el turista va recibir una postal orixinal n’asturianu con traducción al castellanu, francés, inglés y portugués, qu’esplica’l conceptu de la campaña ‘Xixón con remangu’. Ésta entámase llueu d’un alcuerdu con Puru Remangu, marca de ropa y accesorios con conciencia feminista qu’emplega la llingua asturiana nos sos productos.

Na semeya, bolsa de tela con ún de los diseños.