L’históricu Eurosporting cumple 40 años

El 13 de setiembre del 1978 el Sporting debutaba en competiciones europees enfrentándose n’El Molinón al Torino nuna eliminatoria de la estinta Copa UEFA. Sería la primera de les seis participaciones del club roxiblancu, qu’esta fin de selmana va homenaxar a esa plantiya.

El primer actu va ser mañana, a les 19 hores, nel Palaciu de Congresos del Recintu Ferial Luis Adaro, cola presencia de la mayoría de los componentes d’aquel históricu equipu que superó a los italianos por 3-0 (1-0 nel Comunale pa poner un global de 3-1 pa los xixoneses), como Redondo, Cundi, Ciriaco Cano, Joaquín, Ferrero o'l téunicu Vicente Miera, cola triste ausencia de los hermanos Castro, Jesús y Quini. Inclusive los arxentinos Rezza y Doria viaxaron dende’l so país convidaos pol club p’asistir a esti eventu, consistente nun alderique pa recordar dicho partíu.

L'Asociación Anselmo López y el Sporting van inaugurar mañana un mural conmemorativu de la efeméride na grada y el domingu tolos xugadores del primer Eurosporting van recibir l’aplausu de l’afición n’El Molinón nos minutos previos del choque lligueru contra’l Numancia del domingu a les 20.30 hores. Precisamente’l conxuntu roxiblancu debuta na Copa esta tarde contra l’equipu sorianu, nesti casu en Los Pajaritos a les 20 hores.

Na semeya, entrada del homenaxe de mañana que recuerda a les de la época.