Les Termes, el muséu más visitáu en Xixón nel primer semestre del añu

Con 30.224 visitantes, el Muséu de les Termes Romanes de Campu Valdés convirtióse nel más popular de los municipales nel primer semestre del añu. El Parque Arqueolóxicu-Natural de la Campa Torres y el Muséu del Pueblu d’Asturies son los siguientes de la rede na llista.

Los céntricos restos romanos son un gran atractivu pa xixoneses y visitantes, col picu de visites en xunu, cuando hebo 8.164. N’abril, cuando cayó esti añu la Selmana Santa, rexistráronse 7.299, con un total nestos seis mes de 30.224.

La instalación de la Campa Torres ye la segunda, con 25.118, mentes que’l Muséu del Pueblu d’Asturies recibió 20.711 persones. El Muséu del Ferrocarril d’Asturies contó con 17.990 visites, la Casa Natal Xovellanos 11.431, la Ciudadela Celestino Solar 11.018, la Villa Romana de Veranes 5.423 y el Piñole 5.173.

En total, los ocho museos de la Rede Municipal acumularon 127.088 visitantes ente xineru y xunu d'esti añu.