La situación de la llingua asturiana nel franquismu
|
1 Avientu, 2016 por Redacción
Conferencia d'Inaciu Galán esti xueves a les 20h. nel Club La Nueva España de Xixón.
L'escritor y periodista Inaciu Galán sigue trabayando na so tesis sobre la situación de la llingua asturiana nel franquismu, qu'espera finar nel 2018, y pon esta conferencia, titulada "La situación del asturianu nel Franquismu. Una llingua minorizada nel marcu d'un réxime totalitariu y centralista', pa dar a conocer dalgunos de los datos que foi recopilando nestos dos años últimos. Asina va afondar nes prohibiciones que vivieron toles llingües distintes del castellanu mientres la dictadura de Francisco Franco y cómo esto influyó a la llingua asturiana y nes discusiones internes ente partidarios y detractores del asturianu del propiu réxime.
La charra va celebrase'l xueves 1 d'avientu a les 20 hores nel Club La Nueva España de Xixón, asitiáu Sala Cultural Caxastur Monte de Piedá. La entrada ye llibre hasta completar aforu.
