González va ser la candidata del PSOE a l’alcaldía

Ana González va liderar la llista del PSOE a l’alcaldía de Xixón, agora en manes de Foro. La ex conseyera d’Educación y Cultura superó en 19 votos na segunda vuelta de les primaries a José Ramón Tuero y buscará recuperar pa los socialistes el gobiernu 8 años depués.

El total de militantes llamaos ayeri a les urnes yera de 1.222, emitiéndose un total de 836, 14 d’ellos en blancu y 2 nulos, lo que supón una participación del 70 por cientu. González sumó 421, mentes que l’actual direutor xeneral de deportes algamó 402 nuna axustada votación.

La ex conseyera, qu’enantes exerciera de conceyala, foi una de les persones que buscó valtar l’apoyu del congresu del PSOE a la oficialidá al traviés d'una "enmienda trampa". Finalmente’l 82 por cientu del plenariu sofitó una resolución histórica pola que los socialistes apostaben per primer vegada pola equiparación de derechos ente los falantes d’asturianu y castellanu n’Asturies.

Na semeya, González posa con Tuero, de camisa, y otros dirixentes del partíu.