EMTUSA estrena una aplicación trillingüe que vien a sustituyir a l’anterior

N’asturianu, en castellanu y n’inglés. Son les trés llingües nes que se pue escoyer pa utilizar l’aplicación nueva d’EMTUSA, que vien a sustituyir l’anterior –entovía activa– p’adaptase a les necesidaes actuales de los usuarios, anque la toponimia qu’ufre ye la castellanizada, yá derogada.

Con esta ferramienta pa dispositivos móviles los ciudadanos y turistes van poder consultar tola información que necesiten sobre les llinies y paraes, asina como los horarios y los tiempos de pasu al momentu, asina como poder recargar la tarxeta ciudadana y la de tresporte. Too ello en trés idiomes, pa facilitar l’accesu a la mayor cantidá de persones posibles.

Sicasí, estes novedaes vienen con un error de bultu. La toponimia emplegada na aplicación ye la castellanizada, yá derogada, en llugar de la tradicional, la única oficial dende’l 2006.

Na imaxe, una captura de l'aplicación.