El temporal na mar trae un cruceru a Xixón
|
6 Febreru, 2017 por Redacción
Esti foi un fin de selmana de mal tiempu con lluvia, granizaes y airón.
Por mor del mal tiempu na mar, llegará al puertu d'El Musel el cruceru Balmoral, con 1.093 pasaxeros y 529 tripulantes, la mayor parte británicos.
El buque salió de Southampton empobináu a Funchal, pero tuvo que desviase de la so ruta pol mal tiempu na zona marítima de Finisterre. Atracará güei a les 18 hores y zarpará mañana a les 22 hores.
Na semeya: Cruceru Balmoral (por Fred Olsen Cruise Lines)
