El distintivu ambiental de la DXT yá ye obligatoriu pa circular pel conceyu

L’aplicación de la Ordenanza de Movilidá Sostenible del Conceyu de Xixón dio un pasu más cola entrada de la obligatoriedá de contar col distintivu ambiental de la DXT pa poder circular pel conceyu. Esta midida ye tanto pa residentes como visitantes y namái nun afeuta a los coches y motos que nun tengan derechu a la pegatina al ser vieyos.

La Policía Llocal podría multar con 90 euros a aquellos vehículos que nun tengan el distintivu visible nel parabrís dende güei, yá que llevala ye obligatorio pa circular. Tamién pa los turistes, adelantando asina una midida europea nesi sen qu’ha entrar a valir nel 2023 en poblaciones de más de 50.000 habitantes.

Queden llibre d’esta obligación, al nun tener derechu al distintivu ambiental de la Direición Xeneral de Tráficu (DXT), a la venta en Correos y dalgunos talleres a 5 euros, los diésel anteriores al 2006 y los gasolina del 2000. Estos vehículos yá nun pueden aparcar en zona azul dende’l 1 de xineru, anque’l Conceyu dexó trés meses d’adaptación a la norma, dalgo que nun se concede agora cola midida nueva de la ordenanza.

Na semeya, coches circulando esta tarde per Xixón col distintivu nel parabrís.