El Círculo arranca la segunda fase col oxetivu de la permanencia

Los xixoneses parten en novena posición con 4 victories, a una del deseáu sestu puestu.

El Círculo abre mañana (20 hores, Palaciu de Depores) énte'l JAFEP Globalcaja La Roda, que suma 5 victories, la segunda fase de la LEB Plata incluyíu nel grupu que llucha pola permanencia tres finar la primera nel grupu oeste na plaza undécima con 8 trunfos. Nesta segunda xúntase colos seis peores equipos del grupu este col oxetivu de dexar a seis per detrás, cola novedá de que'l campeón va tener plaza pa les eliminatories pol ascensu a LEB Oru.

La intención del club ye la de facese fuerte en casa, polo qu'entamó una campaña de socios que permite ver los seis partíos como llocal pol preciu de 30 euros. D'esta forma los de Nacho Galán, que cuenta cola baxa única d'Ukawuba pa mañana, esperen aumentar l'apoyu que siempre reciben dende la grada.

El restu de rivales

Amás de La Roda, que vien a Xixón col refuerciu del pívot internacional británicu Kingsley Okoroh, el Círculo va tener qu'enfrentase, nesti orde, con Villarrobledo, Ilerdauto Nissan Pardinyes Lleida, Arcos Albacete, Torrons Vicens L'Hospitalet y Benicarló, col que zarrará la fase nel Palaciu'l 2 de mayu. Completen el grupu Basket Navarra, Morón, Bodegas Rioja Vega, Marbella y Zornotza.