Convocada una beca de formación pa la Oficina de Normalización Llingüística de Xixón.
|
10 Febreru, 2017 por Redacción
El plazu pa presentar solicitues acaba'l miércoles día 15 de febreru.
Convodada una beca de formación especializada pa la torna al asturianu y el desenvolvimientu d'actividaes y campañes de normalización llingüística pa la Oficina de Normalización Llingüística de la Fundación Municipal de Cultura, Educación y Universidá Popular.
La formación que va llograr la persona becada va venir determinada poles actividaes específiques que se realicen, por aciu l'alquisición d'esperiencia y conocencia nes siguientes árees:
• Collaboración nel diseñu, planificación, siguimientu y execución de programes, actividaes
y campañes de promoción y normalización del asturianu.
• Torna y corrección de documentos al asturianu.
• Collaboración na actualización de conteníu y caltenimientu de la páxina web y aplicaciones de redes sociales de la Oficina
La beca de formación va tener una duración de 12 meses y un horariu de 30 hores selmanales. La dotación económica total de la beca va ser de 7.980 euros.
La titulación académica mínima que s’esixe pa poder concurrir ye de Títulu de Grau de Maestru/a con Mención en Llingua Asturiana o Títulu de Grau en Filoloxía con Minor d´Asturianu.
El plazu pa presentar solicitues acaba'l miércoles día 15 de febreru. Más información y modelos de presentación nesti enllaz coles bases de la convocatoria
