Charra complementaria de la esposición 'Les nuestres güeles'

El vienres 26 de mayu a les 19:30 hores nel Antiguu Institutu la escritora Ana Vanessa Gutiérrez y la cantante Anabel Santiago van facer alcordanza de les sos güeles y tolo que supunxeron pa la so vida y la so obra.

Esta esposición ye'l resultáu del trabayu de los grupos de fotografía de la Universidá Popular, coordinaos pol so profesor Fernando González.  L'amuesa pretende "ser un homenaxe, un agasayu y un reconocimientu a les güeles, eses muyeres que lleven a recostines una vida entera de trabayu, crianza, vezos, alafagos, añaes y renuncies… vivencies qu’apinen no más fondero de los sos güeyos".

Presenta l'actu Carmen Duarte y organiza l'Oficina de Normalización Llingüística de Xixón.