AMA Asturies respuende a la campaña sobre la COVID-19 del Conceyu "por paternalista"

|
Campaña AMA Valió de sermones

Asoleya cartelos alternativos n'asturianu y castellanu "que critiquen la criminalización de la mocedá" y señalen otros problemes "que deberíen resolver les alministraciones".

Xixón alboreció esta mañana con numberosos mensaxes na cai a mou de cartelos. Éstos imiten la tipografía de los de la campaña billingüe entamada hai unes selmanes pol Conceyu sobre la segunda fola de COVID-19 que tamos viviendo y tiene como oxetivu responder a los orixinales, "acusatorios contra la mocedá" y "paternalista", afirma l'Asamblea Moza d'Asturies (AMA).

Esti coleutivu entamó la iniciativa 'Valió de sermones, queremos soluciones' contra "los discursos que nos infantilicen y nos culpabilicen, y tamién pa poner enriba la mesa dalgunos de los principales problemes reales de la mocedá asturiano". Asina, demanden a les alministraciones "que nos faciliten l'accesu a la vivienda, que tomes midíes pa lluchar contra la precariedá llaboral y que nun nos nieguen un futuru dignu na nuesa tierra".

Tamién recuerda que "los comportamientos irresponsables en términos sanitarios esisten, pero nun son cuestión d'edá".

Na semeya, cartelu de la campaña d'AMA pegáu frente al Centru de Salú d'El Llano.

Contador Estadistiques