Carlos Rubiera presenta 'Memoria del futuru'

L'actu va tener llugar en La Buena Letra.

'Memoria del futuru' (Trabe) ye'l nome del poemariu nuevu de Carlos Rubiera. La editorial define esti títulu como "un exerciciu puru de madurez: poemes densos, condensaos, auténticos, a la manera d’Acebal, el gran poeta asturianu del sieglu XIX".

El llibru, compuestu por 30 creaciones "de corte clásicu, de rima fina y sílabes cuntaes", divídese en trés partes: 'Dacuando voi hasta’l banzáu del ríu…', 'Cuando xube la marea…' y 'El tiempu inevitable de la siega...'. Con 'Memoria del futuru' Rubiera fraya con una llarga temporada ensin espublizar lliteratura, dende'l poemariu, primeru de la so carrera, 'Venti sonetos de la vida y la muerte' (1999).

La presentación d'esta obra va tener llugar esta tarde a les 20 hores na llibrería La Buena Letra. Nella'l de Caldones va tar acompañáu por Inaciu Galán.

Na semeya, Esther Prieto, Rubiera y Xosé Ramón Iglesias Cueva na presentación de 'Memoria de futuru' celebrada la selmana pasada na uvieína Llibrería Trabe.