Una esposición del Pueblu d'Asturies amuesa "indumentaria de tradición" del oriente

Los traxes, del periodu 1880-1920, pertenecen a la coleición de Javier Emperador y van poder visitase hasta xineru.

Esti martes inauguróse nel Muséu del Pueblu d'Asturies la esposición 'Indumentaria de tradición nel oriente d'Asturies, 1880-1920. Coleicion de Javier Emperador'. Ta conformada por 30 vistíos empleagaos pa trabayar, pa poner a diariu, pa la fiesta y pal llutu.

Una amuesa temporal que permite conocer meyor les carauterístiques de la sociedá rural asturiana. Ente toles pieces espuestes rescampla la composición 'El ramu', que representa esti elementu de la fiesta tan carauterísticu.