Trece proyeutos presentáronse al concursu d’idees pa la remodelación del paséu marítimu d'El Muelle y El Fomento

El 23 de setiembre va principiar la votación ciudadana pa escoyer ente los trece proyeutos que se presentaron al concursu d’idees pa la remodelación del paséu marítimu dende la Punta Liquerique hasta la sablera d’El Natahoyo. Estes iniciatives, que se van esponer nel Muséu del Ferrocarril, yá se pueden consultar.

Hailes de tou tipu, unes más futuristes, otres más tradicionales, pero toes elles innovadores. Son trece propuestes pa dar una cara nueva a esta parte de la fachada marítima de la villa densendolcaes pal concursu d’idees entamáu pol Conceyu de cara esta próxima intervención n'El Muelle y El Fomento en previsión.

Los retos a los que debíen dar solución toes elles yeren la movilidá, con prioridá pal peatón y el ciclista, y una conceición nueva del espaciu públicu y el paisaxe urbanu que devuelva esti llugar a la ciudadanía. Dos aspeutos que cada proyeutu tuvo en cuenta con diferentes y orixinales soluciones.

Nesti enllaz pueden consultase les trece propuestes con vídeos y una esplicación breve, y a lo último del mes van entamase una esposición con toes elles nel Muséu del Ferrocarril. La votación de la ciudadanía va tener llugar del 23 al 30 de setiembre, mentes que los aconceyamientos del xuráu van convocase’l 14 de setiembre y 6 d’ochobre, tando previstu’l fallu del premiu’l 14 d’ochobre.